Komunikazio asertiboa
 Argitasunez adieraztea unean-unean sentitzen, pentsatzen eta behar duguna, betiere, elkarrizketaren testuingurua eta kultura kontuan hartuta.
Modu asertiboan komunikatzen den pertsonak argitasunez adierazten du unean-unean sentitzen, pentsatzen eta behar duena, baina, aldi berean, solaskidearen eskubideak, sentimenduak eta balioak kontuan hartzen ditu. Horretarako, komunikatzean, haren iritziak, eskubideak, sentimenduak eta beharrak jakinarazi eta balioetsi behar ditu, baina beste pertsonenak errespetatuz.
Komunikazio asertiboaren oinarria da gizaki orok bere iritziak adierazteko, bere nortasunari eusteko eta beste pertsonekiko harremanetan mugak ezartzeko duen funtsezko eskubidea. Modu horretan, pertsonen arteko harremanak hondatzeko aukerak murriztuko dira eta errazagoa izango da gatazkei aurre egitea.
Ondskan (El mal, 2003)film suediarrak Jan Guillouk idatzitako eleberria du oinarri. Autobiografikoa da, zati batean. Aukera ona ematen du hiru jokabide-moten (lotsatia, oldarkorra eta asertiboa) hainbat alderdi ezagutzeko eta protagonistak bere eskubideei uko egiteko beharrik gabe modu egokian jokatzeko egin behar duen ahalegina ikusteko. Film horri Evil izenburua jarri zioten ingelesez. Hari buruzko informazio gehiago aurkituko duzu helbide honetan: www.imdb.com/title/tt0338309/trivia Komunikazio asertiboari eta pertsona asertiboaren eskubideei buruzko informazio gehiago lortzeko, helbide honetara jo desakezu: es.wikipedia.org/wiki/Asertividad |
